Мұғалім портфолиосы туралы түсінік

Галина Сейт. Атырау облысы.

Мұғалім портфолиосы
Мұғалім портфолиосы туралы түсінік

Мұғалім портфолиосы – мұғалімнің барлық жұмыстарын бір жүйеге біріктіретін, оның кәсіби қызметінің әр түрлі салаларын байланыстыратын жұмыстарының жиынтығы. Мұғалім портфолиосы – мұғалімдік жұмыс папкасы ғана емес, алдын ала жоспарланған жетістіктерінің өзіндік іріктеулері.

Мұғалім портфолиосының артықшылықтары:

– Әр түрлі жұмыс бағыттарын қамтитындығы;

– Жүйелеу және толықтырулар енгізу мүмкіндігі;

– Жекелеген және жүйелі өзгерістер енгізу жағдайы;

– Өзара ақпарат және тәжірибе алмасу мүмкіндігі.

– Портфолио жасақтаудың шығармашылық сипаты.

– Өзі және өзгелер үшін тиімділігі мен пайдалылығы.

– Жасақтаудағы дербестік пен белсенділіктің жоғарылығы.

Портфолоионы жасақтау қиындықтары

– Төмен мотивация, жұмысқа қызықпау.

– Тәжірибенің аздығы, біліктіліктің төмендігі.

– Өз жұмысын жалпылап, жүйелей алмауы.

– Рефлексиялық мәдениеттің төмен болуы.

Мұғалім портфолиосының негізгі функциялары

1.Жинақтаушы: мұғалім жұмыстарының жиынтығы.

2.Үлгілеуші: мұғалімдің жеке кәсіби өсу траекториясын қалыптастыру құралы.

3.Рефлексия-шығармашылық: түрлі педагогикалық технологиялар мен олардың тиімді әдістерін өзіндік талдау мен жобалау.

Мұғалім портфолиосының түрлері

1.Мақсаты бойынша: жекеменшік (өзі үшін), есеп (басшылық үшін), жоба (ұжым мен ұйым дамуы үшін).

2.Мазмұны бойынша: жетістіктер (белгілі бір бағыттардағы), рефлексия (мақсатқа жетуді талдау мен бағалау), проблемалық бағдар (жүйе құраушылары мен қажетті шешімдер), тақырыптық (негізгі қызмет салалары бойынша маңызды жұмыстар).

Мұғалім портфолиосының маңызды бөлімдері

“Автопортрет” бөлімі:

Менің әдістемелік жұмыс жүйем. Менің кәсіби өсу бағдарламам.

“Ақпараттық ресурстар” бөлімі:

Қажетті нормативтік-құқықтық құжаттар. Анықтамалар мен түсіндірме сөздіктер. Жалпы және педагогикалық заңдылықтар мен ережелер.

“Жұмыс материалдары” бөлімі:

Менің әдістемелік жобаларым мен дайындамаларым. Қызықты және құнды ақпараттар мен мәліметтер (интернеттен).

“Менің жетістіктерім” бөлімі:

Мен ашқан жаңалықтар мен заңдылықтар. Менің табыстарым мен ынталану жолдарым.

Мұғалім портфолиосының мазмұны

– Жылдық жұмыс жоспары мен жылдық жұмыс есебі.

– Бақылау-тексеру және тест жұмыстарының қорытындылары.

– Топтық және ұжымдық жұмыс қорытындылары.

– Сабақ жоспарлары мен енген сабақтарға талдау жұмыстары.

– Өзіндік зерттеу-сынақ жұмыстарының аралық қорытынды, түпкі нәтижелері.

– Өзекті мәселелер мен танымдық тапсырмалардың шешімдері.

– Жазбаша шығармашылық жұмыстар (рефераттар мен эсселер).

– Аудио және бейнематериалдар, фотосуреттер.

– Жалпылау материалдары (сызба-кестелер, графиктер мен диаграммалар).

– Сауалнамалар мен сұқбаттасулар және оларды өңдеу қорытындылары.

– Берілген қосымша тапсырмалардың қорытындылары.

– Бақылау күнделіктері мен өзіндік ой-толғаныстар.

– Ұжымдық және жеке ғылыми-әдістемелік жобалар.

– Авторлық бағдарламалар мен балама оқу құралдары.

– Жасалған баяндамалар мен жарық көрген мақалаларының көшірмелері.

– Әдістемелік нұсқау-жинақтарының қысқаша аннотация, рецензиялары.

– Портфель авторының жетістіктерін айғақтайтын құжаттар (мақтау қағаздары мен сертификаттар, анықтамалар мен дипломдар).

Мұғалім портфолиосын дайындау технологиясы

1.Мұғалімдерді ынталандыру: аттестациядан өтуге немесе қызметтік өсуге қажетті материалдар екендігі, қосымша сыйақы төлеу немесе мадақтау үшін негіз;

2.Портфель типін анықтау: жинақтаудың мақсатты бағыттылығын күшейту үшін мақсаты, мазмұны бойынша портфель типін анықтау, жекелеген жағдайлар мен арнайы мақсаттарда аралас типін алуға болатындығы.

3.Өткізу мерзімі мен сипатын анықтау: жыл соңында не мерзімді көрсету;

4.Бөлімдер санын белгілеу: жұмыс жоспарына сай міндетті және таңдауы бойынша алынатын бөлімдер саны жетеуден көп болмауы керектігі.

5.Бағалау критерийлерін дайындау: міндетті бөлімдердің көпшілігі талқылауға жатпайтындығы мен қалғандарының бірлесе жасалатындығы.

Мұғалім портфолиосын бағалау өлшемдері

1. Сандық бағалау

2. Міндетті рубрикалардың болуы – 2 ұпай.

3. Қосымша жеке рубрикалардың қамтылуы – 5 ұпай.

4. Әріптестері мен ғалымдардың пікірлері – 5 ұпай.

5. Сапалық бағалау

6. Зерттеу әдістерінің пайдаланылуы – 10 ұпай.

7. Өзіндік жұмыстары мен дербестігі – 10 ұпай.

8. Өзіндік пайдалылығы мен құндылығы – 10 ұпай.

9. Рефлексиялық материалдардың болуы – 10 ұпай.

10.  Материалдардың безендірілуі – 8 ұпай.

11.  Портфолионы көрсету – 10 ұпай.

Барлығы – 70 ұпай.

 

 

 

Check Also

Оқыту мен оқуда АКТ-ны пайдаланудың тиімділігі

Жақаев Мухамеджан жоғары санатты физика-информатика мұғалімі І – деңгей. Жамбыл облысы Шу қаласы “Жібек Жолы” мектеп-лицейі. «Ақпарат …

Один комментарий

  1. Жігіттер мен қыздар! Көшіріп алган жұмыстың қайдан алынғаны жазылса дұрыс болар еді.

Добавить комментарий

Ваш e-mail не будет опубликован. Обязательные поля помечены *

Лимит времени истёк. Пожалуйста, перезагрузите CAPTCHA.