И-5. Paint графикалық редакторының құралдары.

bekishevaAigerim00-150x150Бекішева Айгерім Мизамқызы Қызылорда қаласы №217 Б.Шалғынбаев атындағы орта мектепте информатика пәнінің мұғалімі

Тақырыбы: Paint графикалық редакторының құралдары. Бүріккіш құралын пайдаланып сурет салу. Шаршылар, эллипс, шеңбер салу. Өшіргіш құралын пайдалану.
Сабақ мақсаты:
а) Paint графикалық редакторы және құралдар тақтасының атқаратын қызметі туралы түсінік беру. Бағдарламаны іске қосу жолдарын үйрету Геометриялық фигураларды компьютердің көмегімен салуды үйрету.
б) Есептеу техиникасында геометриялық фигураларды, әр түрлі суреттерді салуды үйрете отырып. Олардың бойындағы қабілеттерінің дамып көрінуіне және алған білімдерін жеткізе білуге, іс жүзінде жүзеге асыруға, яғни өз бетінше ойлау, жұмыс жасау қабілеттерін дамыту.
в) Оқушыларды көпшіл болуға , еңбекті суюге, ұқыптылыққа, дәлдікке, адамгершілікке, өзін- өзі басқаруға және өзіндік танымдық қызмет жасай алатын жеке тұлғаны тәрбиелеу.
Сабақ көрнекілігі: Paint графикалық редакторының құралдары
Сабақ түрі: Аралас сабақ
Сабақ әдісі: Практика элементтері бар түсіндірмелі баяндау сабағы
Сабақ типі: Жаңа білімді меңгерту сабағы.
Сабақ барысы: Ұйымдастыру кезеңі
Үй тапсырмасын тексеру
Жаңа сабақ түсіндіру

Жаңа сабақты бекітуге сұрақтар қою, практикалық тапсырма беру.
Үйге тапсырма
Сабақты қорытындылау

Үй тапсырмасы: Paint графикалық редакторы, негізгі түсініктер, сурет салу кезеңдері. Үй тапсырмасы бойынша қайталау сұрақтарын қойып жіберелік. Қане кім айтады?

1. Графикалық редактор не үшін қажет?
2. Paint графиктік редакорын қалай іске қосамыз?
3. Paint графиктік редакорының терезесінің негізгі элементтерін ата?
4. Сурет салу қандай кезеңдерден тұрады?
5. Сурет салу түсін қалай таңдауға болады?
6. Фон түсін қалай өзгертеміз?
7. Сурет салу тәсілі қандай?
8. Меню командалары арқылы не жасауға болады?

Сонымен Paint графикалық редакторы көмегімен біз қарапайым графиктік кескіндерден бастап, күрделі бейнелерді салып, радакциялай аламыз. Енді біз бүгінгі сабағымызда ары қарай осы редактордың құралдарымен жеке-жеке толық танысатын боламыз.
Біздің бірінші қарастыратын құралымыз
Түзу сызықты салу құралы.
Ол құралды пайдаланып түзу сызық салу мынадай әрекеттер тізбегінен тұрады. Яғни бұл құралды қолдану алгоритмі мынадай деп айтуға болады.

1. Линия батырмасын шерту
2. Сызықтың қалыңдығын таңдау
3. Маус нұсқағышын сызық басталатын жерге орналсатыру.
4. Маустың сол жақ батырмасын басып, оны жібермей сызықтың аяқталатын жеріне апару.
5. Маустың батырмасын жіберу.

Келесі құрал Шаршылар мен тік бұрыштарды салу құралы.
Бұл құралды қолдану алгоритмін мына түрде айтуға болады.

1. Прямоугольник батырмасын шерту
2. Қажетті тік бұрыш типін таңдау. Мұнда тік бұрыштың 3 типі қолданылады. Жақтау сызықтары көрінетін іші боялмаған тік бұрыш тік бұрыш, жақтау сызықтары көрінетін іші оялған тік бұрыш, жақтау сызықтары көрінбейтін іші боялған тік бұрыш. Ескерту: Мұнда жақтаудың сызық түсі кескін түсімен, ал ішінің түсі фон түсімен салынады.
3. Маус нұсқағышын тік бұрыш басталатын жерге орналсатыру.
4. Маустың сол жақ батырмасын басып, оны жібермей тік бұрыштың аяқталатын жеріне апару.
5. Маустың батырмасын жіберу.

Ал шаршы салу үшін тап осы алгоримтді қолданамыз, тек сурет салған кезде Shift батырмасын басулы күйде ұстап тұрамыз.
Дөңгеленген тік бұрыштарды салу.
Бұл құралды пайдалану алгоритмі тік бұрыштарды салу алгоритмімен бірдей. Мұнда да дөңгеленген квадрат салу үшін Shift пернесін басулы күйде ұстау керек.
Эллипстер мен шеңберлерді салу.
Элиипс дегеніміз горизонталь немесе вертикаль бағытта сығылған шеңберлер. Бұл құралды пайдалану алгоритмі тік бұрыштарды салу алгоритмімен бірдей. Мұнда да шеңбер салу үшін Shift пернесін басулы күйде ұстау керек.
Сонымен біз бүгінгі сабақта Paint графикалық редакторының кейбір құралдарын пайдалану алгоритмдерін қарастырдық. Тақырып бойынша мынадай сұрақтарға кімдер жауап береді. Қане кім сабақты жақсы түсінді екен.

1. Түзу сызықты салу құралын пайдалану алгоритмі қалай?
2. Шаршыны салу алгоритмін кім айтады?
3. Тік бұрыштарды салу алгоритмін кім айтады?
4. Дөңгеленген тік бұрыштарды салу алгоритмін кім айтады?
5. Дөңгеленген квадратты қалай саламыз?
6. Элипс деген не? Оны қалай саламыз?
7. Шеңберді қалай саламыз?
Практикалық тапсырма

Тапсырма №1 Эллипс құралымен іштері боялған және боялмаған эллипстер мен шеңберлер салу.

1.Эллипс батырмасын шертіңдер.
2.Эллипстің қажетті түрін таңдаңдар: 1 – тек шекара, 2 – шекара және толтыру, 3 – тек толтыру. Шекара палитрадан өздерің маустың сол жақ батырмасымен таңдаған түспен салынады. «Шекара және толтыру» түрін таңдағанда, шекара кескін түсімен салынады да, іші оң жақ батырмамен таңдалған фон түсімен боялады. Ал «тек толтыру» түрін таңдасаңдар, онда бірден кескін түсімен боялған эллипс салынады.
3.Маус нұсқағышын өздерің эллипс салғыларың келетін орынға орналастырыңдар.
4.Маустың сол жақ батырмасын басып, жібермей отырып, нұсқағышты эллипстің жақтауын қажетті пішін мен өлшемге жеткенше соза тасымалдаңдар.
5.Маус батырмасын жіберіңдер.
Сабақтың толық нұсқасын көһрнекіліктерімен бірге көшіріп алыңыз.

 

Check Also

Диаграммаларды құру. 8-сыныпқа арналған қысқа мерзімді сабақ жоспары.

Токсанбаева Гульнара Казизовна. І санатты информатика және математика пәнінің мұғалімі  «Рыков атындағы орта мектебі» коммуналдық …

Добавить комментарий

Ваш e-mail не будет опубликован. Обязательные поля помечены *

Лимит времени истёк. Пожалуйста, перезагрузите CAPTCHA.