«Ақтөбе» газетінің бас редакторы Бауыржан Бабажанұлы әлеуметтік желі арқылы

«Ақтөбе» газетінің бас редакторы Бауыржан Бабажанұлы әлеуметтік желі арқылы қыз-келіншектерге құттықтау сөз арнады деп хабарлайды өңірденNUR.KZ тілшісі.

Сұлулардың кесірінен болатын жағдайлардың қатарына соңғы кезде ғаламторда көп талқыланып жатқан жүрегі жұлынған ана туралы мысал да бар. Журналистің тілегін көпшілік ел естімеген құттықтау деп қабылдап, алғыстарын білдіріп жатыр.

«Құрметті қыз-келіншектер!

Сендердің кесірлеріңнен жұмақтан қуылдық…

Сендердің кесірлеріңнен Әбілді Қабыл өлтіріп, жер бетінде алғаш рет қан төгілді…

Сендердің кесірлеріңнен ел мен ел соғысты, мемлекеттер күйреді…

Сендердің кесірлеріңнен бала анасын өлтіріп, жүрегін жарып алды…

Сендердің кесірлеріңнен арабтың Әбу Әл Қайс атты тәп-тәуір ақыны ақылынан адасып, азан шақырып қойған аты ұмытылып, «Мәжнүн» атанды…

Не істемедіңдер сендер бізге?!

Сонда да:

«Шаштарың ұзын, ақылдарың қысқа» екенін біле тұрып, сендердің айтқандарыңды тыңдаймыз;

Әлдеқайда күшті бола тұра, жанымыз қысылғанда, сендерден пана іздейміз;

Ұрысып қалсақ, ақыры сендердікі дұрыс болып шығады;

Ең бастысы, біздің сендерге деген сезіміміз, ынтықтығымыз, махаббатымыз бір сәтке де болса да бәсеңдеген емес!

Неге?

Өйткені Алла сендерді сондай Сүйкімді етіп жаратты! Ал Алланың ісінде мін жоқ!

“Меңдекеш ақын айтпақшы, бір қыздың баласы, бір қыздың жары, бірнеше қыздың әкесі болудан артық бақыт жоқ!

Мерекелерің құтты болсын!”, – деп нәзік жандыларды мерекесімен елден ерекше құттықтады Бауыржан Бабажанұлы.

Check Also

ҰБТ – 2017 жаңа форматы және мамандықтар туралы толық мәлімет.

Ұлттық бірыңғай тестілеудің екі кезеңде өтеді. Қорытынды аттестаттау – бұл мемлекеттік бітіру емтиханы. ҰБТ– жоғары оқу …

Добавить комментарий

Ваш e-mail не будет опубликован. Обязательные поля помечены *

Лимит времени истёк. Пожалуйста, перезагрузите CAPTCHA.